રૂપિયા ઉઠાવવાની ગઠીયાઓની નવી તરકીબ: ATMમાં જઈને રેફરન્સ નંબર નાખે છે ...
- 08 May, 2024
સમગ્ર દુનિયામાં વધી રહેલી મોંઘવારીને પહોંચી વળવા ,ઈમાનદારીથી પૈસા કમાવવું અઘરું બનતું જાય છે.તેથી સામાન્ય માનવી માટે ચોરી, છેતરપિંડી જેટલો સહેલો બીજો કોઇ રસ્તોન હોઇ શકે . તેમાંય વળી ઓનલાઈન લેવડ દેવડના વધતાં ચલણને પગલે હાલમાં ઓનલાઈન ફ્રોડની ઘટનામાં પણ વૃદ્ધિ થયેલી જોવામાં આવી રહી છે. રોજ અવનવા ઓનલાઈન છેતરપિંડીના કિસ્સા સામે આવી રહ્યા છે. જેમાં તાજેતરમાં નિવૃત્ત ઈન્કમટેક્ષ મુખ્ય કમિશનર સાથે થયેલી ઓનલાઈન ફ્રોડની ઘટનામાં ગાંઠિયાઓ ATMમાં જઈ રેફરન્સ નંબર નાંખી રૂપિયા ઉઠાવવી ગયા હતા.
મળતી વિગત મુજબ ઈન્કમટેક્ષના નિવૃત્ત મુખ્ય કમિશનરને દિલ્હીથી પેન્શન ઓફિસર બોલતો હોવાનો ફોન કરીને શખ્સે પર્સનલ પેન્શન ઓર્ડર રિન્યુ કરવાનું કહીને કેટલીક પ્રોસેસ કરાવી હતી. બેંકની એપ્લિકશન અપડેટ કરાવીને ફરિયાદીને એટીએમ મશીનમાં મોકલીને ત્રણ વખત રેફરનસ નંબર નંખાવ્યો હતો.ત્યારબાદ અધિકારીના એકાઉન્ટમાંથી રૂ.૧૦.ર૦ લાખ કપાઈ ગયા હતા જેથી આ મામલે સાયબર ક્રાઈમ પોલીસ સ્ટેશનમાં ફરિયાદ નોંધાવતા પોલીસે ગુનો નોંધી તપાસ હાથ ધરી છે.
આંબાવાડીમાં રહેતા ૬૭ વર્ષીય રમેશકુમાર રામરાજ અમદાવાદ ઈન્કમટેક્ષ ઓફિસમાં મુખ્ય કમિશનર હતા અને વર્ષ ર૦૧૬માં નિવ્ત્ત થયા હતા. ગત ૧પમી એપ્રિલે રમેશકુમાર ઘરે હતા તે સમયે અજાણ્યા નંબર પરથી ફોન આવ્યો હતો. ફોન કરનારે પોતાની ઓળખ દિલ્હીના પેન્શન ઓફિસર મિસ્ટર તિવારી તરીકેની આપી હતી. રમેશકુમારે તેની સાથે વાત કરી ત્યારે શખ્સે જણાવ્યું હતું કે, તમારો પર્સનલ પેન્શન ઓર્ડર રિન્યુ કરવો પડશે નહીં તો એપ્રિલ મહિનાનું પેન્શન નહીં આવે.
ત્યારબાદ ગઠિયાએ મોબાઈલમાં રહેલી એસબીઆઈ યોનો એપ્લિકેશન (SBI Yono App) ઓપન કરાવીને પર્સનલ પેન્શન ઓર્ડર રિન્યુ કરવાનું કહીને અપડેટ માટે એટીએમમાં જવાનું કહ્યું હતું. જેથી રમેશકુમાર આ શખ્સના જણાવ્યા પ્રમાણે એટીએમમાં ગયા જ્યાં સર્વિસીસના ઓપ્શનમાં જઈને ત્રણ વખત રેફરન્સ નંબર નંખાવ્યો હતો. બાદમાં ગઠિયાએ તમારે ઈ-મેઈલથી પર્સનલ પેન્શન ઓર્ડર રિન્યુ થયાનો મેસેજ આવશે તેમ જણાવ્યું હતું.
ત્યારબાદ શખ્સે રમેશકુમારની પત્નીના બેંક એકાઉન્ટ બાબતે પૂછપરછ કરતાં તેમને શંકા જતાં તેમણે ફોન કાપીને બેંકમાં ફોન કર્યો હતો ત્યારે બેંક એકાઉન્ટમાંથી ત્રણ ટ્રાન્જેકશન થઈને કુલ રૂ.૧૦.ર૦ લાખ કપાયા હોવાનું જાણવા મળ્યું હતું. જેથી પોતાની સાથે ઓનલાઈન ફ્રોડ થયો હોવાની જાણ થતાં રમેશભાઈએ સાયબર ક્રાઈમ પોલીસ સ્ટેશનમાં ફરિયાદ નોંધાવતા પોલીસે ગુનો નોંધી તપાસ હાથ ધરી છે.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
https://shorturl.at/hjzN0
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ